Leseproben

Verlag Albeck Flein | Bücher vom Mundart-Autor Wilfried Albeck

Saitenwurst auf Saitenwurscht.de

Verlag Albeck Flein | Saitenwurscht.de - Neues vom Saitenwurstäquator

Startseite Wir über uns Bücher Hörbuch Bestellungen Veranstaltungen Medien Auszeichnungen

Strg - Alt - Entf

Die Rente isch sicher -
hat’s gheißa.
Von wega,
nix isch meh sicher.

Se schraubet am Rädle
se zwagget’s oim ab
vom Erschparda,
wo mr sich’s abzwaggt hat
s’Leba lang.

Von oba runter gschteuert
soll sein Lebensobend
genießa wer will!

Ab 65 sollsch nimme zum Arzt,
scho gar net in’s Krankahaus,
d’Tabletta und alles sowieso selber zahla.

Als Rentner muasch jetz
bei „Rot“ über d‘Ampel,
damit’s schneller geht.

Sozialvoträgliches Frühableba
saget se,
net aussitza bis z’letschta.
Sei Schicksal selber in’d Hand nehma,
beizeita aktiv werda
und net warta,
bis dr Sensamo kommt.

Dia alte Schtorra müasset raus
aus’m Bevölkerungsdickicht,
damit dia Junge nochwachsa könnet.

Dr Platz überlassa
und s’Häusle au.
Ebbes do für dr Schtaat,
damit d’Rente sicher isch -

für die nägschd Generazio.

Relative Sicherheit

S’neue Auto
isch’s sicherschte gwä -
in sein’ra Klass.
Dr Teschtsieger,
mit Gurtschtraffer,
sechs Ärbäggs,
ABS und Bremsassischtent,
Seitauffprallschutz,
Sicherheitsfahrgaschtzella.

S’neue Auto
hat’s heit um dr Bohm rumgwickelt.

Dr Moschtbirabohm
isch no schtabiler gwä.

nav_up
[Startseite] [Bücher] [Hörbuch] [Aktuell] [Online-Shop] [Kontakt] [Veranstaltungen] [Impressum] [AGB]

Copyright ©2003-2017  Verlag Albeck | Letzte Änderung: 19.05.2017